Home > Fashion > سول ملٹری گرینڈ ڈائیلاگ ، حکومت میں فوجی مداخلت ،قومی حکومت ، چین کی شہ پر امریکہ اور بھارت سے مقابلہ،جنرل (ر) احسان الحق کا تہلکہ خیزانٹرویو،انتباہ کردیا

سول ملٹری گرینڈ ڈائیلاگ ، حکومت میں فوجی مداخلت ،قومی حکومت ، چین کی شہ پر امریکہ اور بھارت سے مقابلہ،جنرل (ر) احسان الحق کا تہلکہ خیزانٹرویو،انتباہ کردیا

اسلام آباد (آئی این پی)جنرل (ر) احسان الحق نے کہا ہے کہ سول ملٹری گرینڈ ڈائیلاگ کی کوئی ضرورت نہیں اس سے عالمی سطح پر غلط تاثر جائے گا ، حکومت میں فوجی مداخلت کا کوئی خطرہ نہیں ہے اور نہ ہی ایسی مداخلت پاکستان کے مفاد میں ہے ، موجودہ حالات میں سول ملٹری قیادت کا ایک پیج پر ہونا اشد ضروری ہے ، خفیہ ایجنسیوں کے ملکی معاملات میں مداخلت کا تاثر مبالغہ آرائی ہے ،قومی حکومت مسائل حل نہیں کر سکے گی اور نہ ہی ایسی کسی حکومت کی کوئی تجویز فوجی حلقوں میں زیر غور ہے چین کی شہ پر امریکہ اور بھارت سے مقابلے کی سوچ غلط ہے ، چین سے اچھے تعلقات کی وجہ سے امریکہ سے بگاڑ پیدا کرنا مناسب نہیں ہو گا ، پاک بھارت جنگ کا کوئی خطرہ نہیں ہے ۔وہ ہفتہ کو نجی ٹی وی کو انٹرویو دے رہے تھے ۔ جنرل (ر) احسان الحق نے کہا کہ موجودہ حالات میں سول ملٹری قیادت کا ایک صفحے پر ہونا بہت ضروری ہے ۔ فوج حکومت کا حصہ ہے اور فوج کی ترجمانی حکومت کا کام ہے ۔ سول ملٹری گرینڈ ڈائیلاگ کی کوئی ضرورت نہیں اس سے عالمی سطح پر غلط تاثر جائے گا ۔ فوجی مداخلت کا کوئی خطرہ نہیں ہے اور نہ ہی ایسی مداخلت پاکستان کے مفاد میں ہے ۔ انہوں نے کہا کہ فوجی اور سول قیادت کو محاذ آرائی کی بجائے آپس کے معاملات مل بیٹھ کر حل کرنے چاہئیں ۔ خفیہ ایجنسیوں کے ملکی معاملات میں مداخلت کا تاثر مبالغہ آرائی پر مبنی ہے ۔ قومی حکومت مسائل حل نہیں کر سکے گی فوجی حلقوں میں ایسی کوئی تجویز زیر غور نہیں ہے ۔ احسان الحق نے کہا کہ چین کی شہ پر امریکہ اور بھارت سے مقابلے کی سوچ غلط ہے ہمیں دوستوں کو آزمائش میں نہیں ڈالنا چاہیے ۔ چین پاک امریکہ تعلقات کے حق میں ہے مگر چین سے اچھے تعلقات کی وجہ سے امریکہ سے بگاڑ پیدا کرنا مناسب نہیں ہو گا ۔چین پاک بھارت باہمی بات چیت کے حق میں ہے ۔ انہوں نے کہا کہ افواج پاکستان بھارت سے اچھے تعلقات چاہتی ہیں رکاوٹ کا تاثر غلط ہے ۔ بھارت پاکستان کے ساتھ برابری کے تعلقات نہیں چاہتا ہمیں بھی یکطرفہ کوششوں کو روک دینا چاہیے اور بھارت سے دوستی نہیں کرنی چاہیے ۔ جب تک بھارت برابری کی بنیاد پر بات نہ کرے اور کشمیر کا مسئلہ حل کرنے پر بھی راضی ہو ۔جنرل (ر) احسان الحق نے کہا کہ پاک بھارت جنگ کا کوئی خطرہ نہیں ہے ۔ محدود جنگ بھی بھارت کی بڑی غلط فہمی ہو گی ۔ میرے خیال میں کوئی جنگ نہیں ہو سکتی ۔

Share this News!

Leave a Reply

Your email address will not be published. Required fields are marked *

shares